Möhtərəm cənab Prezident,

Sizi və ailənizi 8 Noyabr - Zəfər Günü münasibətilə ailəmiz adından və şəxsən öz adımdan səmimi-qəlbdən təbrik edirik.

Bu əlamətdar gün xalqımızın birliyinin, gücünün, əzminin və Vətənə sonsuz sevgisinin təcəssümüdür. Sizin qətiyyətli rəhbərliyiniz, uzaqgörən siyasətiniz və Azərbaycan Ordusunun qəhrəmanlığı sayəsində torpaqlarımızın uzun illər davam edən işğalına son qoyuldu, ölkəmizin ərazi bütövlüyü və tarixi ədalət bərpa edildi. 44 günlük Vətən müharibəsində qazandığımız tarixi Zəfər xalqımızın yaddaşında əbədi yaşayacaq və gələcək nəsillər üçün daim qürur mənbəyi olacaqdır.

Siz, Ulu Öndər Heydər Əliyevin müəyyən etdiyi dövlətçilik yolunu uğurla davam etdirərək müstəqil Azərbaycanın inkişafı, güclənməsi və beynəlxalq mövqeyinin möhkəmlənməsi istiqamətində mühüm addımlar atmısınız. Torpaqlarımızın azadlığı ilə nəticələnən tarixi Qələbə isə bu siyasi kursun və milli hədəflərimizin gerçəkləşməsinin ən mühüm səhifələrindən biri kimi tarixə yazılmışdır.

Zəfərdən sonra Qarabağda aparılan genişmiqyaslı bərpa və quruculuq işləri, doğma yurdlarına qayıdan insanların həyatının yenidən qurulması ölkəmizin Sizin rəhbərliyiniz altında işıqlı gələcəyinə olan inamımızı daha da artırır.

Həyata keçirdiyiniz siyasətə hörmət və ehtiramımızı bildirir, Azərbaycanın müstəqilliyinin, suverenliyinin və milli maraqlarının qorunması istiqamətində fəaliyyətinizi dəstəklədiyimizi xüsusi vurğulamaq istəyirik. Ulu Öndərin siyasi irsinə sədaqətin və dövlətçilik ənənələrinin davam etdirilməsinin ölkəmizin gələcəyi üçün mühüm əhəmiyyət daşıdığına inanırıq.

Allah xalqımızın birliyini, dövlətimizin müstəqilliyini və suverenliyini daim qorusun. Sizə möhkəm cansağlığı, ailənizə xoşbəxtlik, ali dövlət fəaliyyətinizdə yeni uğurlar, Azərbaycanımıza isə əbədi sülh, əmin-amanlıq və firavanlıq arzulayırıq.

Dərin hörmət və ehtiramla,

Məmmədovlar ailəsi adından,

Ramin Məmmədov

Azərbaycan Respublikası, Bakı şəhəri.