Hörmətli cənab Prezident.

Sizin Qırğızıstana səfəriniz Azərbaycan ilə Mərkəzi Asiya dövlətləri arasında dostluq və qardaşlıq münasibətlərinin daha da möhkəmləndirilməsi baxımından mühüm əhəmiyyət kəsb edir. Bu əlaqələrin ardıcıl şəkildə inkişafı ölkəmizin uzunmüddətli strateji maraqlarına xidmət etməklə yanaşı, regional əməkdaşlığın genişləndirilməsi üçün yeni imkanlar yaradır.

Şanxay Əməkdaşlıq Təşkilatının tədbirlərində iştirakınız Azərbaycanın beynəlxalq və regional əməkdaşlıq proseslərində artan rolunun mühüm göstəricisi, tərəfdaş dövlətlər tərəfindən ölkəmizə göstərilən yüksək etimadın və hörmətin ifadəsidir.

Azərbaycan bu gün sülhün, sabitliyin, qarşılıqlı etimadın və iqtisadi inkişafın möhkəmləndirilməsinə yönəlmiş proseslərdə fəal iştirak edir. Bu baxımdan Mərkəzi Asiya ölkələri ilə münasibətlərin inkişafı xüsusi əhəmiyyət daşıyır. Xalqlarımız arasında mövcud olan tarixi və mədəni bağlar, qarşılıqlı hörmət və yaxın münasibətlər gələcək əməkdaşlığın genişləndirilməsi üçün möhkəm təməl yaradır.

Nəqliyyat və logistika, energetika, ticarət, investisiya, rəqəmsallaşma, təhsil, elm və mədəniyyət sahələrində əməkdaşlığın inkişaf etdirilməsi xüsusilə mühüm əhəmiyyət daşıyır. Azərbaycan ilə Mərkəzi Asiya dövlətləri arasında əlaqələrin daha da möhkəmləndirilməsi birgə layihələrin həyata keçirilməsi və regionumuzun beynəlxalq iqtisadi və nəqliyyat proseslərində rolunun daha da artırılması üçün geniş perspektivlər açır.

Sizin ardıcıl təşəbbüsləriniz və fəal xarici siyasətiniz Azərbaycanın beynəlxalq mövqelərinin daha da möhkəmləndirilməsinə və ölkəmizin strateji tərəfdaşlıqlarının genişlənməsinə xidmət edir. Hər belə səfər Azərbaycanın milli maraqlarının beynəlxalq müstəvidə uğurla təşviq olunması və ölkəmizin dünya siyasətində layiqli yerinin daha da möhkəmləndirilməsi baxımından mühüm addımdır.

Sizə möhkəm cansağlığı, tükənməz enerji və ali dövləti fəaliyyətinizdə yeni uğurlar arzulayıram. Azərbaycanın davamlı inkişafı, xalqımızın rifahı və ölkəmizin beynəlxalq nüfuzunun daha da möhkəmləndirilməsi naminə həyata keçirdiyiniz məsuliyyətli fəaliyyətinizdə Sizə yeni nailiyyətlər diləyirəm.

Dərin hörmətlə,

Fatyanova Natalya Vladimirovna, texnika elmləri üzrə fəlsəfə doktoru, Azərbaycan Dövlət Dəniz Akademiyasının baş müəllimi

Azərbaycan Respublikası, Bakı şəhəri.