Hörmətli cənab Prezident!

Sizin Qırğız Respublikasına həyata keçirdiyiniz dövlət səfərini böyük maraqla, diqqətlə və qürur hissi ilə izlədim.

Səfər çərçivəsində Qırğız Respublikasının Prezidenti Sadır Japarov ilə keçirdiyiniz görüşlər, Çolpon-Ata şəhərində Azərbaycan və Qırğızıstan Dövlətlərarası Şurasının üçüncü iclasında iştirak etməyiniz, əldə olunan mühüm razılaşmalar və imzalanmış sənədlər ölkələrimiz arasında dostluq, qardaşlıq və müttəfiqlik münasibətlərinin yeni mərhələyə yüksəldiyini bir daha nümayiş etdirdi.

Xüsusilə "Azərbaycan Respublikası ilə Qırğız Respublikası arasında müttəfiqlik münasibətləri haqqında Müqavilə"nin imzalanması strateji tərəfdaşlığın daha da möhkəmləndirilməsi, siyasi, iqtisadi, elmi və humanitar əlaqələrin genişləndirilməsi istiqamətində mühüm tarixi addım oldu.

Çolpon-Ata şəhərində Azərbaycan və Mərkəzi Asiya ölkələrinin Dövlət Başçılarının qeyri-rəsmi görüşündə iştirak etməyiniz və Çolpon-Ata Bəyannaməsinin qəbul olunması Azərbaycanın Mərkəzi Asiya dövlətləri ilə münasibətlərinin inkişafı, regional əməkdaşlığın genişlənməsi və Türk dünyasında həmrəyliyin daha da güclənməsi baxımından mühüm əhəmiyyət daşıyır.

Prezident Sadır Japarovun Azərbaycanın ali dövlət mükafatı - "Heydər Əliyev" ordeni ilə təltif olunması, eyni zamanda Sizin Qırğız Respublikasının ali dövlət mükafatı - "Manas" ordeninə layiq görülməyiniz Azərbaycan ilə Qırğızıstan arasında qarşılıqlı hörmətin, dərin etimadın və qardaşlıq münasibətlərinin yüksək səviyyəsinin parlaq ifadəsidir.

Bu yüksək dövlət təltifləri xalqlarımız arasında möhkəm dostluğun, strateji tərəfdaşlığın və müttəfiqlik münasibətlərinin inkişafına verilən yüksək qiymətin rəmzidir.

Səfər zamanı İssık-Kul gölünün sahilində "Baku Resort & Spa" mehmanxanasının açılışı Azərbaycan ilə Qırğızıstan arasında iqtisadi, investisiya və turizm sahələrində uğurlu əməkdaşlığın mühüm nümunəsi oldu. Bu cür layihələr ölkələrimiz arasında qarşılıqlı faydalı əməkdaşlığın inkişafına və xalqlarımızın daha da yaxınlaşmasına mühüm töhfə verir.

Azərbaycan ilə Qırğızıstan arasında humanitar və mədəni əlaqələrin inkişafına göstərdiyiniz xüsusi diqqət, xalqlarımızın ortaq tarixi-mədəni dəyərlərinin qorunması, qarşılıqlı Mədəniyyət Günlərinin keçirilməsi və dostluq əlaqələrinin möhkəmləndirilməsi istiqamətində həyata keçirilən tədbirlər böyük əhəmiyyət daşıyır.

Elm və ali təhsil sahəsində çalışan bir şəxs kimi qeyd etmək istəyirəm ki, Azərbaycan ilə dost və qardaş ölkələr arasında elmi, təhsil və innovasiya sahələrində əməkdaşlığın inkişafı gələcək nəsillər üçün mühüm əhəmiyyət daşıyır. Əminəm ki, ölkələrimiz arasında möhkəmlənən əlaqələr bu istiqamətlərdə də yeni imkanlar yaradacaqdır.

Cənab Prezident, Sizin uzaqgörən və ardıcıl siyasətiniz Azərbaycanın beynəlxalq nüfuzunun möhkəmlənməsinə, Türk dünyasında birliyin güclənməsinə və dost ölkələrlə qarşılıqlı faydalı əməkdaşlığın inkişafına mühüm töhfə verir.

Fürsətdən istifadə edərək, Azərbaycan ilə Qırğızıstan arasında dostluq və qardaşlıq münasibətlərinin möhkəmləndirilməsi, ölkəmizin beynəlxalq nüfuzunun artırılması və xalqlarımızın rifahı naminə həyata keçirdiyiniz ardıcıl və məqsədyönlü fəaliyyətinizə görə Sizə dərin minnətdarlığımı bildirirəm.

Sizin uzaqgörən rəhbərliyinizlə Azərbaycanın dünya miqyasında etibarlı tərəfdaş kimi mövqeyi daha da möhkəmlənir, dost və qardaş ölkələrlə əlaqələrimiz yeni məzmun və inkişaf istiqamətləri qazanır.

Sizə möhkəm cansağlığı, ailə səadəti, tükənməz enerji və Azərbaycan Respublikasının davamlı inkişafı, xalqımızın firavanlığı naminə ali dövləti fəaliyyətinizdə yeni uğurlar arzulayıram.

Dərin hörmətlə,

Fatyanova Natalya Vladimirovna

texnika elmləri üzrə fəlsəfə doktoru,
Azərbaycan Dövlət Dəniz Akademiyasının baş müəllimi,

Azərbaycan Respublikası, Bakı şəhəri.