Çox hörmətli İlham Heydər oğlu!

İcazə verin, doğum gününüz münasibətilə Sizi ürəkdən təbrik edim və Sizə ən səmimi hörmətimi bildirim!

Sizə səmimi qəlbdən möhkəm cansağlığı, tükənməz yaradıcılıq enerjisi, Azərbaycan xalqının rifahı naminə yeni uğurlar diləyirəm. 

Möhtərəm İlham Heydər oğlu, fürsətdən istifadə edib Azərbaycan Respublikası ilə Həştərxan vilayəti arasında qarşılıqlı dostluq münasibətlərinin və işgüzar tərəfdaşlığın uğurlu inkişafına göstərdiyiniz daimi diqqət və dəstəyə, bu inkişafa şəxsi töhfənizə görə Sizə təşəkkür edirəm. Ürəkdən inanıram ki, aramızda yaranmış qarşılıqlı faydalı münasibətlər bundan sonra da uğurla inkişaf edəcək və möhkəmlənəcəkdir.

Sizi bir daha ürəkdən təbrik edirəm, Sizə və yaxınlarınıza xoşbəxtlik, uğurlar, tükənməz optimizm və uzun ömür arzulayıram. 

Hörmətlə,

Aleksandr Jilkin 
Həştərxan vilayətinin qubernatoru