Möhtərəm cənab Prezident!

Bu günümüzün, sabahımızın və gələcəyimizin yaxşı olması üçün görülən işlərə görə Sizinlə fəxr edir, şəhid və qazi ailələrinə göstərdiyiniz diqqət və qayğıya görə Sizə dərin təşəkkürümüzü bildiririk.

Yaşadığımız küçədə, o cümlədən Tərtərdə elə ailə tapılmaz ki, onun övladı, yaxın doğmaları müharibədə iştirak etməsin. Bizim küçədə də 3 şəhid ailəsi, bir neçə qazi, müharibə veteranı yaşayır və daim Sizin qayğınızı hiss edirik.

Hazırda yaşadığımız Mehman Dadaşov küçəsində geniş təmir işləri aparılır, elektrik, qaz, su, telefon xətləri qaydaya salınır. Hazırda isə küçəmizdə asfaltlanma işləri aparılır.

Əziz Prezidentimiz! Bu qayğı bizi ürəkdən sevindirir. Sizinlə qürur duyuruq və fəxr edirik.

Sizin rəhbərliyinizlə torpaqlarımızı qoruyan qəhrəman oğullarımız düşmənə öz yerini tanıtdı. Bizə 30 ildən sonra Qələbə sevinci yaşatdınız. Bu gün Azərbaycanın uğurlarını həzm etməyənlərə verdiyiniz tutarlı cavablar da hamımızın ürəyindən xəbər verir.

Cənab Prezident.

Ölkəmizin inkişafı, tərəqqisi yolunda göstərdiyiniz şərəfli fəaliyyətdə Sizə uğurlar arzulayırıq. Küçəmizin sakinləri, eləcə də şəhid ailələri və qazilər adından Sizə göstərdiyiniz diqqət və qayğıya görə dərin minnətdarlığımız bildiririk.

Hörmətlə,

Əzizova Sevinc,

Ələkbərov İlqar,

Məmmədov Rövşən.

Azərbaycan Respublikası, Tərtər rayonu.