Hörmətli cənab Prezident.

Qalib ölkənin xoşbəxt və qürurlu vətəndaşlarından biri olaraq, Sizə dərin minnətdarlığımı bildirmək istəyirəm. Ona görə ki, işğaldan azad edilmiş ərazilərdə böyük bərpa-quruculuq işlərinin getdiyi, respublikamızda bir sıra mötəbər tədbirlərin təşkil olunduğu bir vaxtda bizim kəndin sakinləri də yaddan çıxmır, firavan yaşayışımız üçün lazımi işlər görülür. Xüsusilə bu soyuq qış aylarında kəndimizdə yeni evlərin qazla təmin olunması bizim üçün ikiqat sevindirici oldu. Ümumiyyətlə, bizim kənd məhz Sizin ölkəmizə rəhbərliyiniz dövründə – 2019-cu ildə ilk dəfə olaraq təbii qazla təmin edilib.

Evlərimizə təbii qaz, həyatımıza rahatlıq gəlib, cənab Prezident.

Ulu Tanrı Sizə uzun ömür, daim möhkəm cansağlığı versin, Sizin kölgənizi bu xalqın üzərindən əskik etməsin.

Hörmətlə,

Usubov Zülfüqar.

Azərbaycan Respublikası, Neftçala rayonu, Astanlı kəndi.