Hörmətli cənab Prezident!

Üçüncü MDB Oyunları ilə əlaqədar bu il Gəncə şəhərində genişmiqyaslı təmir-bərpa işlərinin həyata keçirilməsi ilə əlaqədar göstərişlərinizə və ümumilikdə Gəncənin inkişafı yolunda görülən vacib tədbirlərə görə Sizə dərin minnətdarlığımızı bildiririk.

Qədim Gəncənin müasir tələblərə uyğun inkişafı və sakinlərin rifahının yaxşılaşdırılması məqsədilə görülən işlər şəhər əhalisi tərəfindən böyük rəğbətlə qarşılanır və yüksək dəyərləndirilir. Ölkəmizdə, eləcə də Gəncə şəhərində həyata keçirilən layihələr - yaşıl sahələrin genişləndirilməsi, yeni parkların salınması, şəhər infrastrukturunun yenilənməsi mühüm addımlardır.

Hörmətli cənab Prezident, Sizin göstərdiyiniz bu davamlı diqqət və dəstək nəticəsində əminik ki, uğurlarımız davam edəcəkdir. Sizin xalqımıza göstərdiyiniz qayğını yüksək qiymətləndirir və gələcək işlərinizdə Sizə uğurlar arzulayırıq.

Hörmətlə,

Həsənov Rövşən,

Məmmədov Fuat,

Hüseynova Gülnarə,

Əliyeva Səidə,

Ələkbərov Arzu,

Allahverdiyev Sahibə və başqaları (13 nəfər).

Azərbaycan Respublikası, Gəncə şəhəri.