Möhtərəm cənab Prezident.

Sizin qədim Gəncə şəhərinə diqqət və qayğınız nəticəsində şəhərimiz günü-gündən inkişaf edir. Sizin xeyir-duanızla istifadəyə verilən yeni-yeni sosial və infrastruktur obyektləri həm qədim Gəncəyə gözəllik verir, həm də sakinlərin daha rahat və firavan həyatına xidmət edir.

Mən, bir Gəncə sakini olaraq, Sizin siyasi xəttinizi daim dəstəkləyir, doğma Azərbaycanımızın daha da qüdrətli dövlət olması və inkişafı naminə apardığınız möhtəşəm, zəfər dolu işlərinizdə Sizə yeni-yeni uğurlar diləyirəm.

Bu günlərdə Rusiyada keçirilən tədbirdə iştirakınıza, həmçinin Kazan Beynəlxalq Hava Limanında qarşılanma mərasiminə baxanda qəlbimiz dağa döndü. Mən Sizinlə qürur duyuram, Sizinlə fəxr edirəm. Siz Azərbaycanı dünyaya tanıtdınız. Bütün gəncəlilər Sizinlədir.

Uca Tanrı Sizi qorusun!

Hörmətlə,

Məmmədov Elçin Misir oğlu

Azərbaycan Respublikası, Gəncə şəhəri.