Hörmətli cənab Prezident.

Son illər regionların inkişafı istiqamətində görülən işlər nəticəsində Gəncədə şəhər infrastrukturu yenilənir, yeni müəssisələr yaradılır. Milli xüsusiyyətlər və dəyərlər nəzərə alınmaqla müasirliyin genişlənməsi bir şəhər sakini kimi məni də qürurlandırır.

Ümummilli Lider Heydər Əliyevin siyasi kursunun Sizin tərəfinizdən uğurla davam etdirilməsi nəticəsində ölkəmiz gündən-günə güclənir.

Cənab Prezident, son dövrlər gözəlləşən Gəncədə ekoloji mühitin yaxşılaşdırılmasında əvəzsiz rol oynayan Gəncə Ekoloji Park Kompleksi Sizin gəncəlilərə verdiyiniz ən böyük dəyərdir.

Sizin həm daxili, həm də xarici siyasətinizi dəstəkləyir, Sizə və ailənizə cansağlığı, ali dövləti fəaliyyətinizdə uğurlar arzulayırıq.

Allah Sizi və xalqımızı qorusun!

Hörmətlə,

Samir Mahmudov, texnika üzrə fəlsəfə doktoru, dosent.

Azərbaycan Respublikası, Gəncə şəhəri.