Hörmətli cənab Prezident.

Mən, Sorbonne Universiteti Əbu-Dabi tələbəsi olaraq, Qarabağ Zəfəri və Azərbaycanın gələcəyi üçün göstərdiyiniz əzmli səylərinizə görə Sizə dərin minnətdarlığımı çatdırmaq istəyirəm. Sizin liderliyiniz sayəsində tarixi torpaqlarımızın azad edilməsi və Azərbaycan xalqının haqqının bərpa olunması milli qürurumuzu yüksəltdi. Bu zəfər hər bir azərbaycanlı üçün təkcə ərazi bütövlüyümüzün bərpası deyil, həm də xalqımızın güclü iradəsinin və birlik ruhunun təntənəsidir.

Siz təkcə Qarabağın azadlığı üçün mübarizə aparmadınız, həm də Azərbaycanın gələcəyini, gənc nəslin inkişafını daim diqqət mərkəzində saxladınız. Gənclərin təhsili və inkişafı üçün yaratdığınız imkanlar biz tələbələr üçün böyük əhəmiyyət daşıyır. Xaricdə təhsil almağa və ölkəmizi layiqincə təmsil etməyə göstərdiyiniz dəstək, biz gənclərə parlaq bir gələcəyə inam verir. Sizin uzaqgörən siyasətiniz sayəsində gənclərimiz keyfiyyətli təhsil almaq imkanı qazanır və Azərbaycanın gələcəyi üçün möhkəm təməllər qurulur.

Mən bir tələbə olaraq, ölkəmizin gələcəyi üçün verdiyiniz töhfələri dərin minnətdarlıqla qarşılayıram. Xaricdə aldığım təhsili uğurla başa vurub, Azərbaycanımızın inkişafına öz töhfəmi vermək arzusundayam. Gənclərə göstərdiyiniz qayğı və diqqət, bizə ölkəmizin daha güclü olması üçün öz bacarıqlarımızı inkişaf etdirməyə böyük stimul verir.

Bir daha Qarabağ Zəfərinə və ölkəmizin gələcəyinə verdiyiniz diqqətə görə Sizə dərin təşəkkürümü bildirirəm. COP29-a ev sahibliyi Azərbaycanın qlobal iqlim dəyişikliyi ilə mübarizəyə olan öhdəliyini nümayiş etdirir. Bu mühüm tədbirin ölkəmizdə keçirilməsi, beynəlxalq miqyasda Azərbaycanın ekoloji siyasətinin və müsbət imicinin güclənməsinə böyük təsir göstərəcək. Azərbaycan xalqının rifahı və gənc nəslin uğurlu inkişafı üçün göstərdiyiniz səylərə görə Sizə müvəffəqiyyətlər arzulayıram.

Dərin hörmətlə,

Şikarov Raul Nəsimi oğlu

Sorbonne Universiteti Əbu-Dabinin tələbəsi.

Birləşmiş Ərəb Əmirlikləri, Əbu-Dabi şəhəri.