Möhtərəm cənab Prezident.

Sizin Ali Baş Komandanlığınız altında olan Müzəffər Ordumuzun şücaəti sayəsində Azərbaycanın ərazi bütövlüyünün və suverenliyinin bərpa olunması xalqımızın qəhrəmanlıq salnaməsinə qızıl hərflərlə yazıldı. Qarabağda və işğaldan azad edilmiş digər ərazilərdə sürətlə həyata keçirilən bərpa və quruculuq işləri dövlətimizin gücünü, şəxsən Sizin əzmkarlığınızı və möhkəm iradənizi bir daha əyani nümayiş etdirir.

Digər bölgələrimiz də yaddan çıxmır. Biz Gəncə sakinləri olaraq, şəhərimizdə son illərdə aparılmış abadlıq işlərinə görə Sizə dərin təşəkkür edirik. Yeni-yeni sosial-infrastruktur obyektlərinin, o cümlədən Gəncə İdman Sarayının inşa edilərək istifadəyə verilməsi və digər görülən işlər şəhərimizin sakinlərini həm sevindirir, həm də onların firavan həyatını təmin edir.

Hörmətlə,

Verdiyeva Ruhiyyə,

Hacıyeva Günay,

Ağakişiyeva Lilpar,

Xəlilova Günay.

Azərbaycan Respublikası, Gəncə şəhəri.