Hörmətli cənab Prezident.

Bu il sentyabrın 9-dan 11-dək Bakıda keçirilmiş Xaricdə Yaşayan Azərbaycanlı Alimlərin Forumunda iştirak etməkdən böyük məmnunluq hissi duyuram. Sözügedən tədbir bizə, alimlərə və universitet müəllimlərinə Azərbaycanda davamlı inkişafa kömək etmək üçün öyrəndiklərimizi, təcrübələrimizi və bacarıqlarımızı tətbiq edə biləcəyimiz barədə fikir mübadiləsi aparmağa imkan verən çox uğurlu tədbir oldu. Ətraf mühitin idarə edilməsi və davamlı inkişaf üzrə mütəxəssis olaraq mən öz təcrübə və bacarıqlarımı Azərbaycanın gələcək mütəxəssislərinə təklif edirəm. Bu tədbir həmfikir insanlarla görüşmək və Azərbaycanda güclü elmi platformanın yaradılması yollarını müzakirə etmək imkanı yaratdı. Forum çərçivəsində mən ADA və Qarabağ Universitetləri ilə səmərəli əlaqələr qura bildim. Hər iki ali təhsil ocağı təklif etdiyim davamlı inkişaf tədrisinə maraq nümayiş etdirdi. Bundan əlavə, digər ölkələrdən Azərbaycanın təhsil ictimaiyyətinə fayda verəcək əməkdaşlıq imkanları yaradıldı.

Cənab Prezident, tədbir çərçivəsində biz, həmçinin Fəxri və Şəhidlər xiyabanlarını, Qarabağı ziyarət edə bildik. Azərbaycanın qəhrəmanlarına dərin ehtiramımı və vətənim Qarabağa ayaq basmaq üçün yaradılmış bu unikal imkanlara görə Sizə dərin təşəkkürümü bildirirəm. Sizin rəhbərliyinizlə Azərbaycanın gələcəyinin daha da parlaq olacağına əminəm.

Hörmətlə,

Səbinə İsgəndərova, Kanadada fəaliyyət göstərən Alberta Azərbaycan Mədəniyyəti Cəmiyyətinin təsisçisi, biologiya elmləri üzrə fəlsəfə doktoru.

Kanada, Kalqari şəhəri.