Möhtərəm Prezident, müzəffər Ali Baş Komandan.

Hər bir əlamətdar hadisə hansısa tarixi xatırlatmaqla yanaşı, həm də keçmişə ehtiram, bu günə inam, gələcəyə böyük ümidlər formalaşdırır. Sizin hakimiyyətə gəlişiniz Azərbaycan tarixinin ən əlamətdar tarixlərindən biridir. Ötən 21 il ərzində Siz xalqın etimadını, sevgisini qazanmış, müasir Azərbaycan dövlətinin banisi Heydər Əliyevin müəyyən etdiyi siyasi kursa sadiqliyini sübut etmiş, ölkəmizi dünyada tanıtmış, Qarabağı erməni işğalından azad etmiş qalib Sərkərdə kimi milyonların ürəyini fəth etmisiniz.

2020-ci ildə qazandığımız Zəfər heç bir kitaba sığmayan qəhrəmanlıq dastanı oldu. Bu dastanı qüdrətli Sərkərdə və müdrik Prezident kimi Siz, düşməni lərzəyə salan Azərbaycan əsgəri, ətrafınızda yumruq tək birləşərək bir ürək kimi vuran Azərbaycan xalqı yazdı.

Sizin sayənizdə Azərbaycanın hər bir qarışında bayrağımız dalğalanır. Qarabağda, Azərbaycanda həyata keçirilən quruculuq işləri isə artıq yeni qəhrəmanlıq salnaməsidir.

Cənab Prezident, hər bir azərbaycanlı gördüyünüz işlərə görə Sizə minnətdardır.

Eşq olsun müdrik Prezidentimizə.

Hörmətlə,

Zeynalov Nazim Fətixan oğlu,

“Hacıqabul” qəzetinin müxbiri.

Azərbaycan Respublikası, Hacıqabul rayonu.