Möhtərəm cənab Prezident.

İlk növbədə, Azərbaycanın dəyərli rəhbəri kimi ölkənizə və xalqınıza sadiqliyinizə və güclü liderliyinizə görə dərin minnətdarlığımızı bildiririk. Sizin rəhbərliyinizlə Azərbaycanın yüksəlişi və inkişafı üçün atılan addımlara görə fəxr edirik.

Azərbaycanın gözəlliklərini kəşf etmək, mədəniyyətini yaşamaq, qonaqpərvərliyini hiss etmək bizə unudulmaz hisslər yaşatdı. Ölkənizin zəngin tarixi irsi, möhtəşəm təbiət gözəllikləri bizdə dərin təəssürat yaratdı. Azərbaycanın hər bir guşəsində hiss etdiyimiz səmimi qarşılanma və səmimiyyət bizə öz evimizdə olduğumuzu hiss etdirdi. Bu xatirələr bizim üçün daim unudulmaz bir xəzinə olaraq qalacaq.

Eynilə, biz Sizin təhsil sahəsinə göstərdiyiniz diqqət və qayğını yüksək qiymətləndiririk. Təhsil sahəsində əldə olunan nailiyyətlər və inkişaf bizi qürurlandırır. Təhsil aldığımız Gəncə Dövlət Universitetində təhsil nailiyyətlərimizi möhkəmləndirməklə yanaşı, hər bir tələbənin şəxsi və akademik inkişafına da töhfə verilir. Hər zaman maddi və mənəvi dəstək, qayğı hiss edirik. Bu dəstək və qayğı gələcəyə inamımızı gücləndirir.

Sizə və Azərbaycan xalqına göstərdiyiniz qonaqpərvərliyə, dəstəyə, qayğıya görə özümün və bütün türk dostlarımın adından dərin təşəkkürümü bildirirəm.

Əminik ki, Sizin rəhbərliyinizlə və şərəfli fəaliyyətiniz nəticəsində Türkiyə ilə Azərbaycan arasındakı qardaşlıq və əməkdaşlıq əlaqələri daha da möhkəmlənəcək və inkişaf edəcəkdir.

Hörmətlə,

Ethəm Kran,

Sultan Şevval Baday,

Ayşənur Ulu,

Zeynəb Təmiz,

Rukiyə Baykuş,

Zeynəb Duman,

Ensar Tangünər,

Zeynəb Sudə Aytac, Gəncə Dövlət Universitetinin tələbələri.

Azərbaycan Respublikası, Gəncə şəhəri.