Hörmətli cənab Prezident, Müzəffər Ali Baş Komandan.

Siz Azərbaycan tarixinə elə bir qəhrəmanlıq salnaməsi yazdınız ki, onu təkrar etmək mümkün deyil. Mərdliyiniz, mübarizliyiniz gələcək nəsillər üçün bir məktəbdir.

Siz qısa müddət ərzində bir əsrə bərabər işlər gördünüz. Sizin sayənizdə Ordumuz az bir vaxtda Qələbəni başa vurdu, suverenliyimiz tam bərpa olundu. Hazırda xalqımız güllə səsi eşitmədən, rahat, dinc bir dövrdə qurub yaratmaq əzmi ilə yaşayır.

İndi Qarabağda, işğaldan azad olunan torpaqlarda Sizin sayənizdə xariqələr yaranır. Siz Azərbaycan xalqının döyünən ürəyi, ümid, güman yerisiniz.

Cənab Prezident, ölkəmizdə yaratdığınız əmin-amanlığa, sabitliyə, yüksələn rifaha görə Sizə minnətdaram. Xalqımıza bəxş etdiyiniz qürurlu və sevincli günlərə görə də Sizə təşəkkür edir, cansağlığı və uğurlar arzulayıram.

Hörmətlə,

Ağayev Kamil Canəli oğlu

Azərbaycan Respublikası, Neftçala rayonu, Pirəbbə kəndi.