Cənab Prezident.

Çoxəsrlik tarixə və ənənələrə malik Azərbaycan mədəniyyəti və incəsənəti Sizin qayğınız sayəsində gündən-günə daha da inkişaf edir. Biz mədəniyyət və incəsənət xadimləri Sizin qayğınızı daim üzərimizdə hiss edir və bunun məsuliyyətini anlayırıq. Bu, bizi öz üzərimizdə daha səylə çalışmağa, yeni uğurlar qazanmağa sövq edir.

Azərbaycan incəsənət xadimlərinə Azərbaycan Respublikası Prezidentinin mükafatlarının verilməsi haqqında imzaladığınız Sərəncam bu diqqət və qayğının bariz nümunəsidir.

Cənab Prezident, çoxillik səhnə fəaliyyətimi nəzərə alaraq məni Prezident mükafatına layiq gördüyünüz üçün Sizə dərin minnətdarlığımı bildirirəm.

Hörmətlə,

Ağayev Miraslan Əzizəli oğlu, Lənkəran Dövlət Dram Teatrının aktyoru.

Azərbaycan Respublikası, Lənkəran şəhəri.