Hörmətli cənab Prezident,

2024-cü il fevralın 7-də keçirilmiş növbədənkənar Azərbaycan Respublikası Prezidenti seçkilərində inamlı qələbə qazanmağınız münasibətilə Sizi ürəkdən təbrik edirəm. Ərazi bütövlüyü və suverenliyi tam təmin olunmuş Azərbaycan Respublikasında keçirilən ilk seçkilərdə xalqımız qalib Liderini yenidən Prezident seçdi, bununla da növbəti qələbələrə səs verdi.

Əminəm ki, Sizin rəhbərliyinizlə xalqımız yeni nailiyyətlər və yeni qələbələr əldə edəcək, Azərbaycan daha da güclənəcək, daha da qüdrətli ölkəyə çevriləcək. Andiçmə mərasimində Sizin də qeyd etdiyiniz kimi: “Bu seçkilərdə göstərilən həmrəylik cəmiyyətimizi bir qaya kimi möhkəmləndirir və belə olan halda heç bir kənar qüvvə bizə qarşı heç bir məkrli plan həyata keçirə bilməz!”.

Möhtərəm cənab Prezident, Uca Tanrıdan Sizə uzun ömür, möhkəm cansağlığı, gələcək fəaliyyətinizdə müvəffəqiyyətlər arzulayıram.

Hörmətlə,

Günel İlyas qızı Zəkəriyeva

Azərbaycan Respublikası, Zaqatala rayonu, Dağlı kəndi.