Hörmətli cənab Prezident,

Sizi Qayabaşı və Sarıca kəndlərinin ağsaqqalları adından 2024-cü il fevralın 7-də keçirilmiş növbədənkənar prezident seçkilərində qalib gəlməyiniz münasibətilə təbrik edirik. Seçkinin nəticəsi Azərbaycan xalqının Sizə olan etimadının bariz nümunəsidir.

İşğal altında olan torpaqlarımızın azad olunması, Azərbaycanın dünya dövlətləri arasında böyük nüfuza sahib olması bizləri çox sevindirir.

Ümummilli Lider Heydər Əliyevin siyasətinin uğurlu davamçısı olaraq bundan sonra da Azərbaycanımızın daha da güclənəcəyinə və inkişafına əminik. Siz Qalib Xalqın Prezidenti olaraq adınızı Azərbaycan tarixinə qızıl hərflərlə yazdınız.

Cənab Prezident, Sizə uzun ömür, cansağlığı, işlərinizdə müvəffəqiyyətlər arzulayırıq.

Allah Sizi qorusun!

Hörmətlə,

Şahvələd Əliyev.

Azərbaycan Respublikası, Şəki rayonu, Sarıca kəndi.