Hörmətli cənab Prezident,

2024-cü il fevralın 7-də keçirilmiş növbədənkənar Azərbaycan Respublikası Prezidenti seçkilərində inamlı qələbə qazanmağınız münasibətilə Sizi təbrik edirəm. Bu gün Dövlət Bayrağımızın ölkəmizin hər yerində dalğalanır. Hər bir azərbaycanlı öz güclü dövləti ilə qürur duyur. Bu qüruru bizə Siz bəxş etmisiniz. Sizin müdrik siyasətiniz sayəsində suverenliyimiz tam bərpa olunub.

İşğaldan azad olunmuş ərazilərimizdə aparılan genişmiqyaslı bərpa-quruculuq işləri, Sizin Mehriban xanımla mütəmadi olaraq bu işlərlə tanış olmağınız, eyni zamanda ata-baba ocaqlarına qayıtmış sakinlərlə görüşləriniz bizi ürəkdən sevindirir. Bütün bunlar sizin vətəndaşların rifahına olan diqqətinizin təzahürüdür. Siz yurd-yuvasına köçürülən sakinlərin yaşayış şəraiti ilə yerində tanış olur, onları dinləyir, istəklərini yerinə yetirirsiniz. Sizin kimi Prezidentimiz olduğu üçün fəxr edirik!

Siz dövlət başçısı kimi bütün ali keyfiyyətlərə maliksiniz!

Yaşasın qayğıkeş Liderimiz, müdrik Prezidentimiz!

Hörmətlə,

Nərgiz Mehman qızı Paşayeva

Azərbaycan Respublikası, Şəki şəhəri.