Hörmətli cənab Prezident,

Bu günlərdə sevincimiz hədsizdir. Çünki Azərbaycan özünün ən parlaq günlərini yaşayır. Xalqımız öz qalib Liderini bir daha Prezident seçdi. 2024-cü il fevralın 7-də növbədənkənar prezident seçkiləri azad, şəffaf, ədalətli və yüksək səviyyədə keçirildi. Bunu həm yerli və həm də beynəlxalq müşahidəçilər təsdiqlədilər.

Siz Azərbaycan xalqını xeyirxah əməlləri ilə dünyada tanıtdıran Ümummilli Liderimiz Heydər Əliyevin siyasi kursunun layiqli davamçısısınız. Azərbaycan tarixində iz qoyan əvəzedilməz şəxsiyyətsiniz. Hakimiyyətə gəldiyiniz gündən xalqa sədaqətlə, ləyaqətlə xidmət edirsiniz. Bu səbəbdən xalqımız yenidən müdrik seçim etdi, öz xoşbəxt gələcəyinə səs verdi. Sizin yenidən Prezident seçilməyiniz xalqımızın böyük qələbəsidir.

Seçildiz yenə də ali kürsüyə

Sevincdən sinəmə sığmayır ürək,

Zəfər qazandırdız bizim ölkəyə

Yenə də qədəmin oldu mübarək!

Möhtərəm cənab Prezident, bir daha Sizi təbrik edir, Sizə və ailənizə cansağlığı, uzun ömür arzulayıram. Uğurlarınız bol olsun!

Hörmətlə,

Sevda Heydərova

Azərbaycan Respublikası, Bakı şəhəri, Qaradağ rayonu.