Hörmətli cənab Prezident,

Sizi 2024-cü il fevralın 7-də keçirilmiş növbədənkənar prezident seçkilərində yenidən Azərbaycan Respublikasının Prezidenti seçilməyiniz münasibətilə səmimi-qəlbdən təbrik edirəm.

Müzəffər Ali Baş komandan, Siz ölkəmizin ərazi bütövlüyünü və suverenliyini bərpa etməklə, üçrəngli Bayrağımızı işğaldan azad olunmuş ərazilərimizdə ucaltmaqla dövlətimizin gücünü, xalqımızın mənəvi birliyini, yenilməzliyini bir daha bütün dünyaya nümayiş etdirdiniz. Siz Azərbaycana hər zaman nailiyyətlər qazandırırsınız, ölkəmiz yeni zəfərlərə doğru inamla irəliləyir.

Cənab Prezident, Siz Ulu Öndərimiz Heydər Əliyevin müdrik siyasətini layiqincə davam etdirirsiniz. Bu gün onun ruhu şaddır. Çünki Siz ata vəsiyyətini yerinə yetirərək 44 günlük Vətən müharibəsində möhtəşəm Qələbə qazanaraq doğma Qarabağımızı işğaldan azad etdiniz. Ümummilli Liderimiz Azərbaycanı həmişə bugünkü kimi güclü və qüdrətli görmək istəyirdi. Allah Ulu Öndərə rəhmət etsin!

Ulu Tanrıdan Sizə uzun ömür, cansağlığı arzulayıram.

Hörmətlə,

Salman Əliyev.

Azərbaycan Respublikası, İmişli rayonu.