Pərvanə Həsrətovadan, Şəki, Azərbaycan

Hörmətli cənab Prezident,

2024-cü il fevralın 7-də bütöv Azərbaycanda keçirilmiş növbədənkənar prezident seçkilərində qalib gəldiyiniz üçün Sizi ürəkdən təbrik edirəm.

44 günlük Vətən müharibəsi ərzində Sizin Liderliyinizlə ölkəmiz həm diplomatiya, həm də döyüş meydanında qalib gəldi. Ali Baş Komandanlığınız altında Azərbaycan Ordusunun qələbəsi xalqımızın qəhrəmanlıq salnaməsində yeni şanlı səhifə açdı. Azərbaycan tarixinə qızıl hərflərlə yazılmış Zəfər sayəsində tarixi ədalət, və dövlətimizin ərazi bütövlüyü bərpa edildi. Uğurla başa çatdırdığınız lokal antiterror tədbirləri nəticəsində 30 illik işğala son qoyularaq, torpaqlarımızın hər bir qarışını düşmən tapdağından azad edərək suverenliyimizi bərpa etdik.

Cənab Prezident, ölkəmizin müstəqilliyi və ərazi bütövlüyünün qorunması, dövlətimizin hərtərəfli inkişafı istiqamətində həyata keçirdiyiniz bu şərəfli və yorulmaz fəaliyyətinizdə Sizə uğurlar arzulayıram.

Hörmətlə,

Pərvanə Həsrətova.

Azərbaycan Respublikası, Şəki rayonu, Qudula kəndi.