Ağadayı Paşayev və başqalarından, Salyan, Azərbaycan

Hörmətli cənab Prezident.

2024-cü il fevralın 7-də keçirilmiş Azərbaycan Respublikası Prezidenti seçkilərində inamlı qələbə çalmağınız münasibətilə Sizi Xıdırlı kənd sakinləri adından səmimi qəlbdən təbrik edirik. Kəndimizin 3 mindən çox sakini Sizə səs verməklə öz etimadını göstərmişdir.

Siz 20 illik fəaliyyətiniz dövründə ölkə vətəndaşlarının rifahının davamlı şəkildə yaxşılaşdırılmasını prioritet vəzifə müəyyən etmisiniz. Bu dövrdə həyata keçirilmiş məqsədyönlü siyasət nəticəsində mühüm nailiyyətlər əldə olunmuşdur.

Hazırda həm ölkəmizdə, həm də regionumuzda yaranmış yeni reallıqlar aydın şəkildə göstərir ki, düşünülmüş, qətiyyətli, prinsipial və milli maraqlara əsaslanan siyasət, bacarıqlı və səmərəli idarəçilik, cəmiyyətin vahid məqsəd və milli ideya ətrafında sıx birliyi və həmrəyliyi sayəsində ən mürəkkəb məsələlərin həllinə nail olmaq mümkündür.

Sizin seçki platforması ilə tanış olduqda çox fərəhləndik. İşğaldan azad edilmiş ərazilərə böyük qayıdışın təmin edilməsi, əhalinin rifah halının yaxşılaşdırılması, təhsil, səhiyyə və gənclər siyasətində qarşıya qoyulan hədəflər qürur doğurmaya bilməz.

Bir daha Sizi prezident seçkilərində inamlı qələbəniz münasibətilə təbrik edir, qarşıya qoyduğunuz bütün hədəflərə çatmaq üçün möhkəm cansağlığı, güc, qüvvət arzu edirik.

Hörmətlə,

Paşayev Ağadayı,

Hüseynov Vaqif,

Ədilov Əzizağa,

Əsədov Mehman,

Zülfüqarova Pəri və başqaları (44 nəfər)

Azərbaycan Respublikası, Salyan rayonu, Xıdırlı kəndi.