Abdulla Ələkbərovdan, Bərdə, Azərbaycan

Möhtərəm cənab Prezident!

Müzəffər Ali Baş Komandan!

2024-cü il fevralın 7-də keçirilən növbədənkənar Azərbaycan Respublikası Prezidenti seçkilərində inamlı qələbəniz münasibətilə Sizi ürəkdən təbrik edir, ən xoş arzularımı çatdırmaqdan məmnunluq duyuram.

Bu gün Azərbaycan xalqı Sizin sayənizdə xoşbəxtdir. 30 il ərzində işğal altında qalmış torpaqlarımızı yağı tapdağından azad etdiyiniz, xalq olaraq qürurumuzu qaytardığınız üçün Sizə sonsuz minnətdarıq. Nə xoşbəxt xalqıq ki, Sizin rəhbərliyiniz altında bu qürurverici, möhtəşəm dövrü yaşamaq bizə qismət olmuşdur.

Seçkilərdə parlaq qələbəniz xalqımızın Sizə necə arxalandığını, gələcəyini Sizə tam əminliklə etibar etdiyini bir daha təsdiq edir. Azərbaycanda sosial-iqtisadi inkişafın təmin edilməsi, müstəqil dövlətçiliyin möhkəmləndirilməsi istiqamətində aparılan sistemli islahatlar, ölkəmizin sürətli inkişafına yönəlmiş böyük quruculuq işləri Sizin adınızla bağlıdır.

Hörmətli cənab Prezident, Sizi yenidən Azərbaycan Respublikasının Prezidenti seçilməyiniz münasibətilə bir daha ürəkdən təbrik edir, Sizə möhkəm cansağlığı, şərəfli və məsuliyyətli fəaliyyətinizdə yeni-yeni uğurlar arzulayıram.

Hörmətlə,

Abdulla Ələkbərov, “Tufan-66” MMC-nin kollektivi adından

Azərbaycan Respublikası, Bərdə rayonu.