Hörmətli cənab Prezident,

Mən, bu təbrik məktubunu böyük qürur hissi ilə yazıram. 2024-cü il fevralın 7-də keçirilmiş növbədənkənar prezident seçkilərində qələbə qazanacağınıza böyük ümidlə inanırdım. Çünki Sizin Ali Baş Komandanlığınızla həm 44 günlük Vətən müharibəsində, həm də antiterror tədbirlərində rəşadətli əsgərlərimizin şücaəti sayəsində tarixi qələbəyə nail olduq. Azərbaycan Respublikasını Qalib ölkə kimi dünyaya tanıdan Siz oldunuz. Bu gün Qarabağın bütün ərazilərində üçrəngli bayrağımız dalğalanır.

Xalqımız da yaxşı bilir ki, ölkəni, milləti kimə etibar etmək lazımdır. İndi həm ölkəmiz, həm də millətimiz yenə də etibarlı əllərdədir.

Cənab Prezident, Uca Allahdan Sizə uzun ömür, cansağlığı, işlərinizdə yeni-yeni müvəffəqiyyətlər arzulayıram.

Yaşasın Azərbaycan!

Yaşasın Möhtərəm Prezidentimiz İlham Əliyev!

Hörmətlə,

Ramiz Şərifov.

Azərbaycan Respublikası, Salyan rayonu, Kürqaraqaşlı kəndi.