Hörmətli cənab Prezident,

Azərbaycan Respublikasının Prezidenti seçilməyinizin 20 illiyi və doğum gününüz münasibətilə Sizi səmimi-qəlbdən təbrik edirəm. Sizə və ailənizə möhkəm cansağlığı və firavanlıq arzulayıram. Siz Azərbaycanın Ümummilli Lideri Heydər Əliyevin ideyalarını və prinsiplərini həyata keçirərək dövlətçiliyimizin möhkəmləndirilməsini uğurla davam etdirirsiniz. Sizin ölkəmiz və mədəniyyətimiz üçün göstərmiş olduğunuz xidmətləri dəstəkləyirəm. Ulu Öndərimiz Heydər Əliyevin qoyduğu dövlətçilik ənənələrimizə sadiq olduğunuz üçün Sizə dərin təşəkkür və minnətdarlığımı çatdırıram.

Əminəm ki, Sizin aparmış olduğunuz daxili və xarici siyasət sayəsində ölkəmiz bundan sonra da daim yüksəklərdə olacaqdır. Sumqayıta etdiyiniz səfərlər sumqayıtlılara göstərdiyiniz böyük diqqət və qayğınızın daha bir bariz nümunəsidir.

Hər zaman olduğu kimi, 2024-cü il fevralın 7-də keçiriləcək prezident seçkilərində də Sizin namizədliyinizi dəstəkləyəcək və Sizə səs verəcəyik. Ulu Öndərimiz Heydər Əliyevin adını daşıyan mərkəzin kollektivi olaraq arzu edirik və inanırıq ki, Siz yenidən ölkəmizin Prezidenti seçiləcəksiniz.

Bu xoş fürsətdən istifadə edərək, Sizi və ailənizi Dünya Azərbaycanlılarının Həmrəylik Günü və Yeni il bayramı münasibətilə təbrik etmək istəyirəm. Sizə və Azərbaycan xalqına davamlı müvəffəqiyyət və rifah arzu edirəm.

Hörmətlə,

Qurbanova Vüsalə,

Sumqayıt şəhər Heydər Əliyev Mərkəzinin direktoru.

Azərbaycan Respublikası, Sumqayıt şəhəri.