Hörmətli cənab Prezident.

Son illər ölkəmizdə regionların sosial-iqtisadi inkişafı dövlət proqramlarının uğurlu icrası sayəsində respublikamızın bütün bölgələrində olduğu kimi, Naftalanda da genişmiqyaslı abadlıq-quruculuq işləri həyata keçirilir. Bu işlər çərçivəsində şəhərin yolları abadlaşdırılıb, yol-nəqliyyat infrastrukturunun təkmilləşdirilməsi məqsədilə işlər görülür.

Öz müalicəvi nefti ilə dünyada məşhur olan Naftalan Sizin sayənizdə potensialını tam açaraq beynəlxalq turizm mərkəzlərindən birinə çevrilmişdir. Bu gün şəhərimizdə mövcud olan çoxlu sayda müalicə mərkəzlərində dünyanın dörd bir yanından gələn insanlar şəfa tapırlar. Bir sözlə həm Naftalan inkişaf edir, həm də buranın sakinlərinin güzəranı yaxşılaşır.

Möhtərəm cənab Prezident, şəhərimizin sosial-iqtisadi inkişafı üçün görülən işlərə görə öz adımdan, eləcə də şəhərin Qasımbəyli kəndinin sakinləri adından Sizə sonsuz minnətdarlığımızı bildirirəm.

Hörmətlə,

Musayev Sədi

Azərbaycan Respublikası, Naftalan şəhəri, Qasımbəyli kəndi.