Möhtərəm Prezident, cənab Ali Baş Komandan!

Əsası Ümummilli Liderimiz Heydər Əliyev tərəfindən qoyulmuş inkişaf strategiyasının Sizin tərəfinizdən uğurla davam etdirilməsi Azərbaycanı beynəlxalq aləmdə söz sahibi etmişdir. Sizin rəhbərliyinizlə respublikamızın iqtisadi qüdrəti gündən-günə artır. Şəhər və rayonlarımızda aparılan möhtəşəm tikinti və quruculuq işləri əhalinin rifahının və yaşayış səviyyəsinin yüksəlməsinə xidmət edir.

Cənab Prezident, İsmayıllı şəhərinin Qafqaz küçəsinin sakinlərinin arzularından biri yolun asfaltlanması idi. Artıq bu arzumuz reallaşıb və gündəlik istifadə etdiyimiz yol tam olaraq asfaltlanıb. Bu işlər Sizin rayonumuza göstərdiyiniz diqqət və qayğının nəticəsidir. Xoşbəxtik ki, hər bir Azərbaycan vətəndaşı Sizin rəhbərliyinizlə firavan həyat yaşayır. Biz əminik ki, rayonumuz yüksək inkişafa çatacaq, sakinlərimiz zəngin və firavan yaşayacaqlar.

İsmayıllı şəhər ziyalıları və küçəmizin sakinləri adından Sizə minnətdarlığımızı bildirir, xalqımızın və ölkəmizin rifahı naminə Sizə cansağlığı və uzun ömür arzulayırıq.

Dərin hörmət və ehtiramla,

Hümbətov Mərdan,

Pənahov Fazil.

Azərbaycan Respublikası, İsmayıllı şəhəri.