Hörmətli cənab Prezident!

Siz Azərbaycan Respublikasının Prezidenti kimi fəaliyyət göstərdiyiniz 20 il ərzində ölkəmizin siyasi, iqtisadi imkanları genişlənmiş, sabitliyi, dayanıqlılığı, bütün sahələrdə inkişafı təmin edilmişdir. Hər bir azərbaycanlının Prezidenti olaraq xalqımızın rifahının yüksəlməsini daim diqqətdə saxlamısınız. Uzaqgörən siyasətiniz sayəsində Azərbaycanın beynəlxalq arenadakı mövqeləri möhkəmlənmiş, nüfuzu daha da artmışdır. Uğurları qeyd edərkən təbii ki, 44 günlük Vətən müharibəsində qazanılan şanlı Zəfər, Qarabağda antiterror tədbirləri nəticəsində erməni separatizminin məhv edilməsi, Azərbaycanın ərazi bütövlüyünün, suverenliyinin tam bərpa olunması xüsusi vurğulanmalıdır. Siz bununla böyük strateq, qalib sərkərdə, Müzəffər Ali Baş Komandan kimi adınızı əbədi olaraq tarixə yazdırdınız.

Cənab Prezident, Siz çıxışlarınızda həmişə deyirdiniz ki, Qarabağı cənnətə çevirəcəyik. İşğaldan azad ediləndən dərhal sonra Sizin rəhbərliyinizlə başlanan möhtəşəm yenidənqurma işləri ilə Qarabağ həqiqətən də cənnətə çevrilir, soydaşlarımız böyük sevinclə öz ata-baba yurdlarına qayıdırlar.

Hörmətli Prezident, Vətən, xalq üçün göstərdiyiniz misilsiz xidmətlərə görə Sizə təşəkkür edirik. Sizi çox sevirik. Sizə uzun ömür, cansağlığı arzulayırıq.

Hörmətlə,

Hüseynov Nizami,

Hüseynov Əsgər,

Cəfərov Mahal,

İbrahimli Cavid,

Azərbaycan Respublikası, Sumqayıt şəhəri, Kimyaçılar qəsəbəsi.