Hörmətli cənab Prezident.

Əvvəla, adını tarixə qızıl hərflərlə yazdıran bir Sərkərdə kimi Azərbaycan torpaqlarının 20 faizini işğaldan azad etdiyiniz üçün Sizi – Müzəffər Ali Baş Komandanı səmimi-qəlbdən təbrik edirəm.

Siz daim Azərbaycan xalqını düşünürsünüz. Siz işğalçı dövlətin və qondarma rejimin bütün təhdidlərinə, xarici təzyiqlərə sinə gərərək torpaqlarımızın azadlığına nail oldunuz. İstər İkinci Qarabağ müharibəsində, istərsə də antiterror tədbirləri zamanı təzyiqlərlə üzləşsəniz də, Azərbaycan xalqı üçün fədakarlıq etdiniz.

Mən birinci qrup əlil olaraq, Sizə dərin təşəkkürümü bildirir, “hər şey üçün çox sağ olun!” deyirəm.

Var olun! Siz var olduqca biz hər zaman təhlükəsiz şəraitdə, qürurla yaşayacağıq.

Hörmətlə,

İsgəndərli Alı.

Azərbaycan Respublikası, Cəlilabad rayonu, Qarazəncir kəndi.