Möhtərəm cənab Prezident!

Sizin Azərbaycan Respublikasının Prezidenti kimi fəaliyyət göstərdiyiniz son 20 il möhtəşəm nailiyyətlərlə əlamətdar olan, böyük Qələbəyə aparan şanlı inkişaf dövrü kimi tariximizə qızıl hərflərlə yazılıb. Ulu Öndər Heydər Əliyevin böyük uzaqgörənliklə söylədiyi "Azərbaycan dünyaya Günəş kimi doğacaq" fikri artıq reallaşıb. Sizin misilsiz fəaliyyətiniz bu günümüzə və gələcəyimizə parlaq işıq saçır. Qədirbilən Azərbaycan xalqı heç bir alternativi olmayan bu siyasi xətti dəstəkləyərək Sizin ətrafınızda “dəmir yumruq” kimi sıx birləşib. Ötən 20 il ərzində gördüyünüz işlərin ictimaiyyət tərəfindən yüksək qiymətləndirilməsi bunun bariz nümunələrindəndir.

İnanırıq ki, Sizin rəhbərliyinizlə uğurlarımız davamlı olacaq, Azərbaycan bundan sonra da yeni-yeni zirvələr fəth edəcək.

Hörmətlə,

Ramazanov Səfər Süleyman oğlu

Azərbaycan Respublikası, Zaqatala rayonu.