Hörmətli cənab Prezident!

Sizi Azərbaycan Respublikasının Prezidenti seçilməyinizin 20 illiyi münasibətilə səmimi-qəlbdən təbrik edirəm. Sizə bu şərəfli, məsuliyyətli və çətin işinizdə uğurlar, möhkəm cansağlığı arzulayıram.

Cənab Prezident, Siz 20 illik fəaliyyətiniz dövründə son 200 ildə başına müxtəlif bəlalar gətirilən, qırğınlarla, ərazi itkiləri ilə üzləşən Azərbaycan xalqının qürurunu, ləyaqətini, şərəfini özünə qaytardınız. 44 günlük Vətən müharibəsi və son antiterror tədbirləri ilə təkcə Ermənistan deyil, dünya erməniləri və onların havadarları üzərində zəfər qazanaraq böyük tarix yazdınız. Siz düşmənlə yanaşı, həm də ədalətsiz beynəlxalq qurumlarla, ermənipərəst qüvvələrlə üz-üzə gələrək, informasiya mübarizəsi apararaq qalib gəldiniz. Sizin möhkəm iradəniz, dərin savadınız, cəsarətiniz, uzaqgörənliyiniz və digər yüksək keyfiyyətləriniz sayəsində ölkəmiz dünya dövlətləri arasında xüsusi hörmət qazanmış, beynəlxalq aləmdə söz sahibinə çevrilmişdir.

Əziz Prezident, dövlət başçısı kimi fəaliyyətinizin 20 ilinin tamam olduğu gün xalqımıza yaşatdığınız böyük sevincə, xoşbəxtliyə görə Sizə ayrıca xüsusi minnətdarlığımı bildirirəm. Sizin Xankəndidə, Xocalıda, Xocavənddə, Əsgəranda, Ağdərədə, Sərsəng su anbarının ərazisində dövlət bayrağımızı ucaltmağınız ürəyimizi dağa döndərdi. Allah Sizi Azərbaycan xalqının başı üzərindən əskik etməsin!

Hörmətlə,

Həsənov Avdı Aslanpaşa oğlu

Azərbaycan Respublikası, Salyan rayonu, Çuxanlı kənd sakini.