Hörmətli cənab Prezident, Müzəffər Ali Baş Komandan!

Siz Azərbaycana rəhbərlik etdiyiniz müddətdə xalqımız saysız-hesabsız uğurlar əldə etmişdir. Sözsüz ki, bu uğurların ən başında torpaqlarımızın işğaldan azad edilməsi dayanır. Torpaqlarımızın, doğma Qarabağımızın 44 günlük Vətən müharibəsi ilə geri alınması, Aprel döyüşləri, Sentyabr hadisələri xalqımızın Zəfər tarixinin şanlı səhifələridir.

Bununla yanaşı, bütün bölgələrimizdə həyata keçirilən quruculuq işləri də təqdirəlayiq haldır. Yeni Suraxanı qəsəbəsində həyata keçirilən abadlıq-quruculuq işlərinə görə, şəxsən öz adımdan və ailə üzvlərimin adından Sizə təşəkkür edirəm.

Onu da deyim ki, biz vətəndaşlarla indi tez-tez görüşlər, qəbullar keçirilir. Belə tədbirlərdə biz öz dərdimizi, narahatlıq doğuran məsələləri diqqətə çatdırırıq və həlli ilə əlaqədar lazımi işlər görülür.

Əziz Prezidentimiz, ümumilikdə Azərbaycan adına etdikləriniz üçün Sizə ürəkdən “Çox sağ olun!” deyirəm.

Hörmətlə,

Əliyev Zöhrab

Azərbaycan Respublikası, Bakı şəhəri, Suraxanı rayonu, Yeni Suraxanı qəsəbəsi.