Hörmətli cənab Prezident.

2020-ci ilin sentyabrda Sizin ətrafınızda sıx birləşən Azərbaycan xalqı qısa müddət sonra yerə-göyə sığmayan sevinc və qürur hissi ilə Qarabağ Zəfərini qeyd etdi. Otuz il keşməkeşli yol gələn həmin Zəfər də, bu günlərdə qazandığımız böyük qələbə də Ulu Öndər Heydər Əliyev siyasətinin təntənəsidir.

Mən Şuşada doğulmuşam. Ulu Öndərimiz Heydər Əliyevin iştirakı ilə Şuşada Vaqifin məqbərəsi açılanda məktəbli kimi mən də iştirak etmişəm. Uşaq vaxtımdan qəlbimdə öz yeri olan Ümummilli Liderimizin şəkli daim iş masamda olub, onun daxili və xarici siyasətini hər zaman dəstəkləmişəm.

İyirmi dörd saata başa çatan antiterror tədbirlərinin uğurlu nəticələri münasibətilə Sizi və xalqımızı doğma Qaladərəsi kəndinin sakinləri adından təbrik edirəm.

Allah Sizi qorusun! Yüz illər keçəcək, bünövrəsi Ulu Öndər Heydər Əliyev tərəfindən qoyulan Azərbaycan dövləti əbədi yaşayacaq və itirilmiş torpaqlarımızı azad edən Ali Baş Komandan kimi adınız Azərbaycan tarixində əbədi qalacaqdır!

Hörmətlə,

Abbasov İsmayıl, Birinci Qarabağ müharibəsi iştirakçısı..

Azərbaycan Respublikası, Şuşa rayonu.