Hörmətli cənab Prezident!

Azərbaycan xalqı çox şanslı xalqdır ki, Sizin kimi müdrik lideri, Ali Baş Komandanı var. Məhz Sizin komandanlığınızla rəşadətli ordumuz 44 günlük Vətən müharibəsində düşmənin başını “dəmir yumruq”la əzdi və nəticədə möhtəşəm Zəfər qazandıq.

Siz dünyanın gözü qarşısında yaşanan 30 illik ədalətsizliyə, haqsızlığa son qoydunuz.

Bu şanlı Qələbə sayəsində bu gün xalqımız başıuca gəzir.

Müzəffər Ali Baş Komandan, bir neçə gün əvvəl Qarabağ bölgəsində qeyri-qanuni erməni silahlı birləşmələrinə qarşı aparılmış antiterror tədbirlərinin uğurla nəticələnməsi Vətən müharibəsində olduğu kimi, bütün dünya azərbaycanlılarında böyük sevinc hissi yaratdı.

Bu uğurlar Sizin uzaqgörənliyinizin, qətiyyətinizin, əzmkarlığınızın əyani təsdiqidir. Sizə sonsuz minnətdarlığımızı bildiririk. Hər zaman Sizinləyik.

Hörmətlə,

Babirov Elşad

Azərbaycan Respublikası, Qubadlı rayonu, Qədili kəndi.