Cənab Ali Baş Komandan!

Mən öz ailə üzvlərimiz və bütün Ağcabədi sakinləri adından xalqımızın cəsur oğlu Ramil Səfərovun xilasına görə şəxsən Sizə və bu işdə əməyi olan bütün insanlara dərin təşəkkürümüzü bildirirəm.

Cənab Ali Baş Komandan!

Sizin əməyiniz nəticəsində xalqımızda böyük ruh yüksəkliyi oyandı. Buna görə də bütün Azərbaycan xalqı kimi biz də sevinc göz yaşları içərisində qürur hissi keçirdik. Bu sevinci və qüruru bizə bəxş etdiyiniz üçün Sizə - Ali Baş Komandanımıza Uca Tanrıdan cansağlığı, milli qürurun oyanışında mivəffəqiyyətlər arzulayırıq.

İnanırıq ki, Sizin sayənizdə Qarabağın azad olunacağı gün yaxındadır. Uca Tanrıdan arzum budur ki, xalqımıza qələbə sevincinin dadını yaşadasınız. Amin!

Ağcabədi rayonu Yeni Qaradolaq kənd sakinləri adından hörmətlə,
Əliyev Məhərrəm Əvəz oğlu

Azərbaycan Respublikası, Ağcabədi rayonu