Hörmətli cənab Prezident.

Əsası Ümummilli Liderimiz Heydər Əliyev tərəfindən qoyulmuş, bu gün Sizin tərəfinizdən uğurla davam etdirilən inkişaf strategiyası Azərbaycanın beynəlxalq aləmdə nüfuzunun, siyasi çəkisinin artmasına səbəb olmuşdur. Sizin rəhbərliyinizlə respublikamızın iqtisadi qüdrəti hər gün daha da artır. Şəhər və rayonlarımızda aparılan möhtəşəm abadlıq-quruculuq işləri əhalinin rifahının və yaşayış səviyyəsinin yüksəlməsinə xidmət edir.

Cənab Prezident, İsmayıllı rayonunun bir neçə kəndində yaşayan 11 min əhalinin içməli su ilə təminatının yaxşılaşdırılması məqsədilə Göyçay çayından çəkilmiş magistral su kəmərinin və kəndlərin daxili su şəbəkələrinin yenidən qurulması üçün imzaladığınız Sərəncam kənd sakinlərini çox sevindirdi. Bu, Sizin sadə vətəndaşlara olan diqqət və qayğınızın bariz nümunəsidir.

Biz Mollahisaqlı kənd sakinləri Sizə sonsuz minnətdarlığımızı bildiririk. Var olun, cənab Prezident!

Allah Sizi və ölkəmizi qorusun!

Hörmətlə,

Həşimov Həşim,

Məsimov İldırım,

Kərimov Kamal və başqaları.

Azərbaycan Respublikası, İsmayıllı rayonu, Mollaisaqlı kəndi.