Hörmətli cənab Prezident.

Əsası Ümummilli Liderimiz tərəfindən qoyulmuş, Sizin uğurla davam etdirdiyiniz müdrik siyasət sayəsində gündən-günə qüdrətlənən müasir müstəqil Azərbaycan Respublikası bütün sahələrdə böyük uğurlar əldə edib. Xalqımızın sosial rifah halı yaxşılaşıb, iqtisadi sahədə böyük nailiyyətlər qazanılıb. Bu gün ölkəmizin hər bir guşəsi, bölgəsi inkişaf etməkdədir.

Cənab Prezident, İsmayıllı rayonunda əhalinin içməli su ilə təminatının yaxşılaşdırılması ilə bağlı tədbirlər haqqında Sərəncamınız sakinlərin hədsiz sevincinə səbəb oldu. Bununla da rayonunun İvanovka, Uştal, Qalagah, Soltankənd, Hacıhətəmli, Ruşan, Vəng, Mollaisaqlı və Mücühəftəran kəndlərində yaşayan on bir min sakinin içməli su ilə bağlı problemi aradan qalxmış oldu. Kənd sakinləri, ziyalıları adından Sizə təşəkkürümüzü və minnətdarlığımızı bildiririk.

Ölkəmizin daha da inkişafı, xalqımızın xoşbəxt gələcəyi naminə fəaliyyətinizdə müvəffəqiyyətlər arzulayırıq.

Hörmətlə,

İsmayıllı rayonunun Soltankənd, Uştal, Qalagah, Ruşan və Vəng kənd sakinləri:

Musayev Şahin,

Nağıyev Sayad,

Əhmədov Müstəcəb,

Salmanov Şahmalı və başqaları.

Azərbaycan Respublikası, İsmayıllı rayonu, Soltankənd kəndi.