Hörmətli cənab Prezident.

Sizin diqqət və qayğınız altında bölgələrimiz günü-gündən inkişaf edir, gözəlləşir. Bu yeniliklər, abadlıq yaşadığımız Tərtər şəhərinin hər bir yaşayış məntəqəsində, hər bir küçəsində hiss olunur.

Biz çoxmərtəbəli binaların yerləşdiyi Nizami küçəsində yaşayırıq. Əvvəllər bir qonaq gələndə utanırdıq. Binamızın həyəti bərbad vəziyyətdə idi. İndi bütün yaşayış binalarının dam örtüyü dəyişdirilib, girişləri və fasad hissələri təmir olunub, həyətləri səliqəyə salınıb və asfaltlanıb. Bu günlərdə isə binalarımızın həyətində söhbətgah quraşdırılıb.

Möhtərəm cənab Prezident, Tərtər şəhərinin yaşayış binalarının, eləcə də küçələrimizin abadlaşdırılmasına, bütünlükdə biz tərtərlilərə göstərdiyiniz hərtərəfli diqqət və qayğıya görə Sizə öz minnətdarlığımızı bildiririk.

Tanrı Sizi qorusun!

Hörmətlə,

Əliyeva Vera,

Abbasova Lətafət,

Əliyeva Cimnaz,

Azərbaycan Respublikası, Tərtər şəhəri.