Hörmətli Prezident, cənab Ali Baş Komandan!

Mən, Vətən müharibəsi qazisi olaraq, gözəl yurdumuz Qarabağ torpaqlarının düşmən tapdağından azad edilməsində iştirak etmiş qəhrəman Azərbaycanımızın sıravi övladı kimi Sizə təşəkkür etməkdən qürur hissi keçirirəm. Bu qürur və sevinc hissini həm də ona görə keçirirəm ki, Sizin biz qazilərə göstərdiyiniz qayğı və diqqətin sayəsində mənim ailəmə mənzil təqdim edilmişdir. Mənim və ailə üzvlərimin bu mənzildə xoşbəxt, firavan həyat sürəcəklərinə görə Sizə dərin təşəkkürümü bildirir, Sizə və Sizin ailənizə xoşbəxtlik, müvəffəqiyyətlər, başda Siz olmaqla Azərbaycan xalqına əmin-amanlıq və bəxtəvər günlər arzulayıram.

Əziz Prezidentimiz, şəhid ailələrinə və qazilərə göstərdiyiniz yüksək diqqət və qayğıya görə çox sağ olun.

Hörmətlə,

Eynalov Eldar Elmidar oğlu, Vətən müharibəsi qazisi.

Azərbaycan Respublikası, Bakı şəhəri, Xətai rayonu.