Möhtərəm cənab Prezident!

Əsası Ümummilli Liderimiz Heydər Əliyev tərəfindən qoyulmuş, Sizin müdrik və yorulmaz fəaliyyətiniz nəticəsində gündən-günə qüdrətlənən müasir müstəqil Azərbaycan Respublikası bütün sahələrdə böyük uğurlar əldə edib. Ölkəmizin nüfuzu həm regionda, həm də beynəlxalq müstəvidə daha da artıb, beynəlxalq aləmdə iqtisadi və siyasi mövqeyi durmadan möhkəmlənməkdədir.

Xalqımızın sosial rifah halı yaxşılaşıb, sosial-iqtisadi sahədə böyük nailiyyətlər qazanılıb. Ölkəmizin hər bir guşəsi, hər bir yaşayış məntəqəsi inkişaf etməkdədir.

Respublikamızın hər yerində olduğu kimi Quba rayonunda da son illər xeyli müasir tipli sosial obyektlər, məktəblər, yeni yollar inşa edilib. Yaşadığımız Quba rayonunun İspik kəndinin sosial-iqtisadi inkişafı üçün xeyli işlər görülüb. 2012-ci ildə 180 yerlik N.Dadaşov adına İspik kənd tam orta məktəbinin tikilməsi, 2021-ci ildə kənd ərazisində içməli su xəttinin çəkilməsi təmin edilib, 2023-cü ildə Quba-İspik yolunun 7 kilometr hissəsi asfaltlanıb. Bundan əlavə, kənddaxili yollar təmir edilib.

Möhtərəm cənab Prezident!

Buna görə Sizə kəndimizin bütün sakinləri adından dərin minnətdarlığımızı və təşəkkürümüzü bildirir, ölkəmizin daha da inkişafı, xalqımızın xoşbəxt gələcəyi naminə yeni-yeni uğurlar arzulayırıq.

Kənd sakinləri adından hörmətlə,

Əlimuradov İlham Mirzağa oğlu.

Azərbaycan Respublikası, Quba rayonu, İspik kəndi.