Hörmətli cənab Prezident.

İtirilmiş torpaqlarımız Sizin uğurlu daxili və xarici siyasətinizin nəticəsində geri alındı. İşğaldan azad edilmiş ərazilərdə tikinti-quruculuq işlərinə başlanılıb, evlər hazır olduqca məcburi köçkünlük həyatı yaşayan soydaşlarımız geriyə - əzəli torpaqlarına qayıdırlar. Böyük Qayıdış başlanıb və yüksək səviyyədə davam edir. Azərbaycanda bu uğur, Qələbə Sizin rəhbərliyiniz altında qazanıldı. Şanlı Ordumuzun daha da güclənməsində, qüdrətlənməsində Sizin əməyiniz çox böyükdür. Sizə bu işlərinizdə, fəaliyyətinizdə uğurlar, cansağlığı və xoşbəxtlik arzulayıram.

Mən aqrar sahənin işçisiyəm. Dövlətimizin aqrar sahəyə qayğısı, diqqəti çox böyükdür. Bu sahədə çalışdığımdan bu diqqəti daha yaxından görürəm. Vətəndaşların müraciətlərinə indi daha diqqətlə yanaşıldığını da görürəm. Üzləşdiyim problemlə əlaqədar bu günlərdə Prezident Administrasiyasına müraciət etmişdim. Qaldırdığım məsələyə çox obyektiv yanaşıldı və mən işimə bərpa olundum. Bu hadisə mənim və ailəmin hədsiz sevincinə səbəb olmuşdur.

Hörmətli cənab Prezident, buna görə, Sizə minnətdarlığımı bildirirəm.

Hörmətlə,

Bələdov Vəlican İmamverdi oğlu, aqronom.

Azərbaycan Respublikası, Qobustan rayonu, Bədəlli kəndi.