Möhtərəm cənab Prezident.

Sizin daxili və xarici siyasətiniz, atdığınız qətiyyətli addımlar Azərbaycanı regionun liderinə və beynəlxalq aləmdə etibarlı tərəfdaşa çevirmişdir. Bütün sahələri əhatə edən genişmiqyaslı və davamlı islahatlar, abadlıq və quruculuq işləri hamımızı valeh edir.

Şanlı tariximiz olan Vətən müharibəsində 44 gün ərzində Qələbə çalmağımız Sizin hərbi sərkərdəliyiniz və siyasi liderliyiniz sayəsində oldu. İşğaldan azad olunan Qarabağımızda aparılan tikinti quruculuq işləri, erməni vandalları tərəfindən dağıdılmış məscidlərimizin bərpası, ən müasir infrastruktur hər birimizin fəxr etdiyi hadisələrdəndir. Biz çox şanslıyıq ki, Sizin kimi Liderimiz var.

Cənab Prezident, Sizin apardığınız düzgün siyasət nəticəsində ölkəmizdə dini tolerantlıq hökm sürür. Məzhəbindən asılı olmayaraq müsəlmanlar dini ayinlərini vəhdət halında icra edirlər. İbadətlərini heç bir xarici ölkənin təsirinə məruz qalmadan şəxsi iradələrinə əsaslanan formada həyata keçirirlər. Ölkədə məscid və ziyarətgahların tikilməsində, məscidlərin əsaslı təmir edilməsində göstərdiyiniz diqqət biz möminlərə və dinimizə olan hörmətin əlamətidir.

Sizin tapşırığınıza əsasən Pirallahı məscidi yüksək səviyyədə əsaslı təmir edilmiş və biz möminlərin istifadəsindədir. Pirallahı möminləri dini zəmində yaratdığınız ab-havanı hiss edir və Sizə minnətdarlığımızı bildiririk. Həmçinin biz Birinci-vitse prezidentimiz Mehriban xanım Əliyevanın da məscid və ziyarətgahlara olan diqqətini görür və təqdir edirik. Ölkə rəhbərinin və onun xanımının dinə göstərdiyi qayğı biz dindarlarda ruh yüksəkliyi yaradır.

Sizə təşəkkürlərimizi bildiririk.

Allah-Təala Sizi, ailənizi və xalqımızı qorusun!

Hörmətlə,

Rəhimov Mübariz Fədail oğlu,

Əliyev Şahin Şakir oğlu,

Əliyev Vaqif Fürsət oğlu,

Mirzəyev Emin İsmayıl oğlu və başqaları (104 nəfər).

Azərbaycan Respublikası, Bakı şəhəri, Pirallahı rayonu.