Hörmətli cənab Prezident.

Azərbaycan dövlətinin qurucusu olan Ulu Öndər Heydər Əliyevin siyasi kursunu uğurla davam etdirdiyinizə görə Sizə minnətdarıq.

Cənab Prezident, 50 ildən artıqdır ki, “Azərbaycan Dəmir Yolları” QSC-də işləyirəm. “Fəxri dəmiryolçu” adı almışam. Sizin tərəfinizdən “Tərəqqi” medalı ilə təltif olunmuşam.

Sizin xalqın rifahının yüksəldilməsi istiqamətində tapşırıq və göstərişlərinizin nəticələri göz önündədir. Azərbaycan xalqının Sizin kimi lideri olduğu müddətdə bizim heç bir problemimiz olmaz.

Cənab Prezident, 44 günlük Vətən müharibəsində Sizin komandanlığınızla həyata keçirilən “Dəmir yumruq” əməliyyatı tarixi Zəfərlə başa çatdı və torpaqlarımız işğaldan azad olundu. Sizin kimi Müzəffər Ali Baş Komandanla fəxr edirik.

Hörmətlə,

Quliyev Nofəl,

Azərbaycan Respublikası, Bakı şəhəri, Binəqədi rayonu, Biləcəri qəsəbəsi.