Hörmətli Prezidentimiz, Müzəffər Ali Baş Komandanımız.

Sizin rəhbərliyinizlə rəşadətli Ordumuzun əldə etdiyi Zəfərlə tarixi ədalət bərpa olundu, torpaqlarımız işğaldan azad edildi. Nəinki ölkəmizin vətəndaşları, dünyadakı bütün azərbaycansevərlər Sizinlə qürur duyur. Bu Qələbə xalqımıza sonsuz fərəh hissləri yaşatdı.

Mən Sizinlə fəxr edirəm, həm də Vətən müharibəsində şəhid olan oğlum Ayşadla qürur duyuram. Fəxr edirəm ki, oğlum Sizin komandanlığınız altında torpaqlarımızın işğaldan azad olunmasında iştirak edib, Tanrı dərgahında ən yüksək şəhid adını qazanıb.

Bu gün şəhid övladlarımız həyatda olmasalar da Sizin bizə göstərdiyiniz diqqət və qayğı yaralarımıza məlhəm olur. Biz bu qayğını yüksək qiymətləndiririk.

Bu günlərdə yenə diqqət və qayğı ilə əhatə olundum. Naftalandakı sanatoriyalardan birinə müalicəyə göndərildim. Müalicə və istirahətim yüksək səviyyədə təşkil olunmuşdu. Bu diqqət və qayğıya görə Sizə bütün şəhid anaları adından təşəkkür edirəm.

Hörmətlə,

Məmişova Xuraman Yəhya qızı, şəhid anası.

Azərbaycan Respublikası, Tərtər rayonu, Saracalı kəndi.