Hörmətli Prezidentimiz, Müzəffər Ali Baş Komandanımız.

Sizin rəhbərliyinizlə rəşadətli Ordumuzun əldə etdiyi Zəfərlə tarixi ədalət bərpa olundu, torpaqlarımız işğaldan azad edildi, nəticədə, ölkəmizdə bütün sahələrdə daha sürətli inkişaf üçün yeni reallıq və imkanlar yarandı. Vətən müharibəsindən dərhal sonra işğaldan azad edilmiş ərazilərimizin bərpası prosesinə başlanılması və görülən işlərin sürəti hamımızı sevindirdiyi qədər də fərəhləndirdi.

Qarabağın azad olunması ilə başlanan quruculuq işləri ilə yanaşı, digər bölgələrimizdə də abadlıq işləri davam etdirilir. Ağdam rayonunun bütövlüklə inkişafına göstərdiyiniz xüsusi diqqət və qayğıya görə Sizə səmimi qəlbdən minnətdarlığımızı bildiririk.

Yaşadığımız Quzanlı qəsəbəsində yolların işıqlandırılması, küçələrin asfaltlanması və digər abadlıq işlərinin aparılması hər birimizin ürəyini dağa döndərir. Bütün bunlara görə Sizə təşəkkür edirik. Çox sağ olun, cənab Prezident.

Hörmətlə,

Səfərov Xəqani,

Əmirov İsgəndər,

Məmmədov Yusif.

Azərbaycan Respublikası, Ağdam rayonu, Quzanlı qəsəbəsi.