Möhtərəm cənab Prezident!

Mənim həyatımın şüurlu hissəsi Ulu Öndər, Ümummilli Lider Heydər Əliyevin və onun layiqli siyasi varisi və davamçısı kimi Sizin Azərbaycanda rəhbərlik etdiyiniz illərə təsadüf edir. Hər bir Azərbaycan vətəndaşı həm atanız Heydər Əliyevin, həm də Sizin misilsiz xidmətlərinizi heç vaxt unutmayacaq. Dünya Heydər Əliyev kimi bir dühanı tanıyanda Azərbaycanı çoxları tanımırdı. Ulu Öndərin və Sizin sayənizdə Azərbaycanı artıq bütün dünya tanıyır. Siz Azərbaycanın işğal olunmuş torpaqlarını çox hiyləgər və məkrli düşməndən azad edərək dövlətimizin tarixində şanlı tarix yazdınız. Bu möhtəşəm Qələbə üçün Azərbaycan xalqı həmişə Sizə minnətdar olacaqdır.

Möhtərəm cənab Prezident!

Çox böyük bir Zəfərlə azad olunmuş rayonlarımızın bərpa edilməsinə, köçkünlərin yurd-yuvalarına qaytarılmasına çalışırsınız. Bir daha Sizə, Sizinlə birlikdə çiyin-çiyinə yorulmadan çalışan Mehriban xanıma və övladlarınıza cansağlığı, xoşbəxtlik arzulayıram.

Hörmətlə,

Əliyev Telman

Azərbaycan Respublikası, Ağdam rayonu, Ballar kəndi.