Hörmətli cənab Prezident.

Vətəndaşların rifahının yüksəldilməsi hər zaman dövlətimizin diqqət mərkəzindədir. Sizin komandanlığınız altında Vətən müharibəsində insanlarımızın illərlə həsrətində olduğu tarixi Qələbə qazanıldı. Bu Qələbə sevincini Siz bizə bəxş etdiniz. Sizin sayənizdə Azərbaycanda davamlı olaraq sosial sahədə uğurlu siyasət aparılır. Mingəçevir şəhərində abadlıq, quruculuq və yenidənqurma işləri də bu gün davam edir.

Sizin rəhbərliyinizlə respublikamızda həyata keçirilən tədbirlər, xüsusilə də bölgələrimizdə görülən işlər xalqımız tərəfindən böyük minnətdarlıqla qarşılanır. Mingəçevir şəhərində həyata keçirilən tədbirlər də bunların tərkib hissəsidir.

2022-ci ildə Mingəçevir şəhərində abadlıq-quruculuq işləri daha da genişlənmişdir. Şəhərimizin küçələrində yenidənqurma işlərinə başlanaraq asfaltlanma işləri görülür, küçələrin səkiləri yenilənir, yaşıllıqların salınması işləri aparılır, eyni zamanda, küçələrdə yeni yağışötürücü xətlər çəkilir, şəhər ərazisinin işıqlanmasına və yaşıllıqların suvarılması üçün əlavə su borularının quraşdırılmasına diqqət artırılmışdır.

Cənab Prezident, yaşadığımız əraziyə Sizin diqqət və qayğınız nəticəsində kanalizasiya, işıqlanma, internet xətləri və keyfiyyətli asfalt örtüyü çəkilmişdir. Ölkəmizin tərəqqisi naminə yorulmaz fəaliyyətinizdə, Qarabağ iqtisadi rayonunda infrastrukturun yenidən qurulması kimi işlərin görüldüyü bir zamanda vaxt ayırıb Mingəçevir şəhərinə göstərdiyiniz diqqətə görə təşəkkür edir və Sizə yeni uğurlar arzulayırıq.

Ulu Tanrı Sizi və ölkəmizi qorusun.

Hörmətlə,

Abdurəhimov Yasin Yunis oğlu

Qocayev Bəxtiyar Allahyar oğlu 

Mamedov Əlizadə Məmmədhəsən oğlu

Zeynalov Bakir Zeynal oğlu

Quluyev Fikrəddin Mustafa oğlu

Əliyev Şakir Soltan oğlu

Xəlilov Nizami İbrahim oğlu

Məmmədəliyeva Kifayət Məmmədəli qızı

Cəfərov Nizami Ağəli oğlu

Qocayev Mahir Ələkbər oğlu

Feyziyev Rasim Zülfi oğlu

Nəsibov Əlvan Rəhbər oğlu

Həsənov Məcnun Firidun oğlu

Orucov Əmir Duman oğlu

Sadiqov İsmayıl Nəriman oğlu

Qurbanov Oktay Muxtar oğlu

Ədilov Oruc Süleyman oğlu

Azərbaycan Respublikası, Mingəçevir şəhəri, “Günəşli” yaşayış massivi.