Möhtərəm Prezident!

Bu günlər kəndimizdə hamı bir-birinə gözaydınlığı verir, bir-birini təbrik edir, Sizə Ramil Səfərovu Vətənimizə gətizdirib əfv etdiyinizə görə dualar oxuyurlar. Məndə öz növbəmdə bir ağsaqqal kimi Sizə minnətdarlığımı bildirirəm. Siz Ramili darda qoymadınız. Allah Sizi heç zaman darda qoymasın. Mən ömrümün ixtiyar çağını yaşayıram, həyatda çox şeylər görmüşəm.

Sizin Ramillə bağlı gördüyünüz iş həqiqətən çox qiymətli işdir. Siz qazandığınız xalq sevgisini bu addımınızla daha da artırdınız. Xalqın sevdiyi rəhbəri Allah da sevir. Ulu Yaradanın sevgisi həmişə Sizin olsun. Sizə nəcib işlərinizdə ağsaqqal xeyir-duası verərək uğurlar diləyirəm.

Hörmətlə,
Kazımov Seyidrza Seyidəziz oğlu, kənd ağsaqqalı.

Azərbaycan Respublikası, Saatlı rayonunun Hacıqasımlı kəndi.