Azərbaycan Respublikasının Milli Məclisi Azərbaycan Respublikası Konstitusiyasının 94-cü maddəsinin I hissəsinin 17-ci və 18-ci bəndlərini rəhbər tutaraq qərara alır:

Azərbaycan Respublikasının 1995-ci il 10 yanvar tarixli 947 nömrəli Qanunu (Azərbaycan Respublikası Ali Sovetinin Məlumatı, 1995, № 8, maddə 158; Azərbaycan Respublikasının Qanunvericilik Toplusu, 1998, № 2, maddə 59; 2004, № 3, maddə 133; 2011, № 2, maddə 71, № 7, maddə 582) ilə təsdiq edilmiş “Hərbi qulluqçuların dövlətə vurduqları ziyana görə maddi məsuliyyəti haqqında Əsasnamə”də aşağıdakı dəyişikliklər edilsin:

1. 1-ci maddənin birinci hissəsi aşağıdakı redaksiyada verilsin:

“Hərbi qulluqçular və toplanışa çağırılmış hərbi vəzifəlilər Azərbaycan Respublikası Silahlı Qüvvələrinin nizamnamələri ilə, əmrlərlə və digər aktlarla nəzərdə tutulan vəzifə borclarını yerinə yetirərkən dövlətə vurduqları ziyana görə təqsirli olduqda bu Əsasnaməyə uyğun olaraq maddi məsuliyyət daşıyırlar.”.

2. 2-ci maddənin birinci hissəsindən “həqiqi” sözü çıxarılsın.

3. 3-cü maddə üzrə:

3.1. birinci hissəyə “intizam” sözündən sonra “, inzibati” sözü əlavə edilsin;

3.2. ikinci hissəyə “cinayət” sözündən əvvəl “inzibati və ya” sözləri əlavə edilsin.

4. 4-cü maddənin birinci hissəsində “bütünlüklə və yaxud qismən” sözləri “birdəfəlik və ya hissə-hissə” sözləri ilə əvəz edilsin.

5. 6-cı maddə üzrə:

5.1. birinci hissədə “əsgəri nizamnamələrlə” sözləri “Azərbaycan Respublikası Silahlı Qüvvələrinin nizamnamələri ilə” sözləri ilə, “iki” sözü “üç” sözü ilə əvəz edilsin və həmin hissəyə “aylıq məbləğindən” sözlərindən əvvəl “iki” sözü əlavə edilsin;

5.2. ikinci hissə ləğv edilsin.

6. 7-ci maddə üzrə:

6.1. birinci abzasda “ucundan” sözü “ilə” sözü ilə əvəz edilsin;

6.2. ikinci və altıncı abzaslara “cinayət” sözündən əvvəl “inzibati və ya” sözləri əlavə edilsin;

6.3. üçüncü abzasda “dövlətin başqa şəkildə aldadılması” sözləri “başqa şəkildə yalan məlumatların təqdim edilməsi” sözləri ilə əvəz edilsin.

7. 8-ci maddədə “, Sərhəd Qoşunlarının, Azərbaycan Respublikasının qanunvericiliyinə müvafiq surətdə yaradılmış digər qoşun birləşmələrinin” sözləri “və hərbi xidmət nəzərdə tutulmuş digər dövlət orqanlarının (dövlət orqanlarının strukturuna daxil olan qurumların)” sözləri ilə əvəz edilsin.

8. 10-cu maddədə “ucundan” sözü “ilə” sözü ilə, “dayanması ilə” sözləri “dayanması nəticəsində” sözləri ilə əvəz edilsin və həmin maddəyə “aylıq pul təminatlarından” sözlərindən əvvəl “iki” sözü əlavə edilsin.

9. 13-cü maddənin dördüncü hissəsinə “cinayətlə” sözündən əvvəl “inzibati xəta ilə və ya” sözləri əlavə edilsin.

10. 14-cü maddə üzrə:

10.1. birinci hissənin birinci cümləsində “inzibati təhqiqat” sözləri “xidməti araşdırma” sözləri ilə, ikinci cümləsində “Təhqiqat” sözü “Araşdırma” sözü ilə əvəz edilsin;

10.2. ikinci hissədə “inzibati təhqiqat” sözləri “xidməti araşdırma” sözləri ilə əvəz edilsin;

10.3. üçüncü hissədə “Təhqiqat zamanı” sözləri “Araşdırma zamanı inzibati xəta və ya” sözləri ilə, “cinayət-prosessual qanunvericiliyində” sözləri “müvafiq olaraq Azərbaycan Respublikasının İnzibati Xətalar Məcəlləsində və ya Azərbaycan Respublikasının Cinayət-Prosessual Məcəlləsində” sözləri ilə əvəz edilsin.

11. 15-ci maddədə “inzibati təhqiqatın” sözləri “xidməti araşdırmanın” sözləri ilə əvəz edilsin.

12. Aşağıdakı məzmunda 19-1-ci maddə əlavə edilsin:

“19-1. Bu Əsasnaməyə uyğun olaraq dövlətə maddi ziyan vurmuş hərbi qulluqçunun xidmət keçdiyi orqan (hərbi hissə) dəyişdiyi halda onun barəsində tərtib olunmuş müvafiq sənədlər maddi məsuliyyət məsələsinin həll edilməsi üçün yeni xidmət yerinə (hərbi hissəyə) göndərilir.”.

İlham Əliyev

Azərbaycan Respublikasının Prezidenti

Bakı şəhəri, 29 noyabr 2022-ci il